Бала қиял, балауса жыр: кездесу
Биылғы жыл «Балалар әдебиеті жылы» деп жариялағаны жұртқа аян. Президент өз мақаласында балалар әдебиетіне ерекше мән беріп, Тіл игеру, ұлттық құндылықты арттыру үшін балалар әдебиетінің атқаратын рөлі зор екенін айтқан болатын. Осы үндеу аясында әр аймақта кішкентай оқырмандарға арналған іс-шаралар мазмұнды түрде жалғасын тауып келеді.
Абай атындағы кітапханада Қазақстан Жазушылар Одағының мүшесі, ақын Мерей Қартпен кездесу өтті. Оқушыларды балалар әдебиетінің жаңа қырларымен таныстырып, балаларға арналған өлеңдерін оқып берді.
Белсенді оқушылардан қойылған түрлі сауалдарға жауап беріп, ел болашағы жастар екенін баса айтты. Сонымен қатар жемқорлық, ұрлық, ар-ұят жайлы да әңгімелер қозғалып, білім мен өнерге ынтық бүлдіршіндер көбейсін деген тілек айтылды. Шара соңында оқушылар «Балалар әдебиетіне» арнайы дайындалған көрмені тамашалады.
