Сүйікті кітабымен селфи: фотоконкурс

1 – ші маусым Халықаралық балаларды қорғау күні аясында кітапхана қызметкерлері Instagram әлеуметтік желісінде «Сүйікті кітаппен Селфи» атты фотоконкурс ұйымдастырды. Байқауға Семей қаласының 3 жастан 13 жасқа дейінгі жас жеткіншектері қатысты.Байқау шарттары бойынша желіде алдын ала ұсынылып,  ал жұмыстарды қабылдау 18-24 мамыр аралығында басталды.  Қатысушылар өздерінің сүйікті кітаптарымен суретке түсіп, Абай атындағы ШҚО әмбебап кітапханасының электронды мекен-жайына фотоавтопортреттер (selfie, селфи) жіберді, metodsemey@mail.ru. жұмыстар 24 мамырдан кешіктірілмей қатысушының аты-жөні, жасын, байланыс нөмірін және кітап туралы қысқаша әңгіме жіберіліп, фотосуреттер Абай semeybib кітапханасының Instagram әлеуметтік желі парақшасында жарияланды.

Ең көп жинаған фотосурет авторлары  және олардың ішінде бірінші орынды ең көп лайк жинаған (148) Буркитова Бота 5000 теңгеге сертификатпен марапатталды, екінші орынды Вероника Марущак (110 лайк) 3000 теңгеге сертификат,  ал  үшінші орынды  Айф Дамелия (90) 3000 теңгеге сертификат алды. Фотоконкурстың барлық қатысушылары кітапхана атынанан алғыс хаттармен марапатталып, тәттілер үлестірілді,

Шара соңында кітапхана қызметкерлері жас қатысушыларды «Бақытты  балалық шақ»  атты  көрме-инсталляциямен таныстырып,  балалар ата-аналарымен бірге  жазғы демалыста үйде оқуға арналған кітаптар алды,  сонымен,  мерекелік шарадан балдырғандар  «Әрқашан күн сөнбесін» әуезді әнімен аяқтап, көңілді тарқасты.