Адалдық алаңы – сыбайлас жемқорлықтың алдын алу жолдары: ақпараттық сағат

4 маусым күні ШҚО Абай атындағы кітапхананың «Парасат  жолы» орталығында  Халықаралық «Қазақ тілі» қоғамының (Шығыс Қазақстан және Солтүстік өңір бойынша) вице- президенті Орал Шәріпбаев «Адалдық алаңы – сыбайлас жемқорлықтың алдын алу жолдары»  тақырыбында ақпараттық сағат өткізді.

Шара барысында Сыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі деп атап көрсетті. Осының барлығы сыбайлас жемқорлыққа қарсы күресті заңмен реттеу қажет екенін, жаңа заңдар мен ережелер қабылдау керектігін көрсетеді, ең маңыздысы қоғам болып жұмылған жұдырықтай бірге әрекет етіп, мемлекеттік  бақылау   жүйесін   жетілдіру,   мемлекеттік   органдардың   сыбайлас жемқорлық алдын-алу жұмыстарының тиімділігін арттыру керектігін айтты. Орал Шәріпбаев осы ретте кітапханашылардың рөлі, атқаратын қызметі өте жоғары екенін атап көрсетті.