Шығысым бар Алтай таудың кеніндей…: шығармашылық кеш

Шығыс Қазақстан Облыстық Абай атындағы әмбебап кітапханасы 2013 жылдың 30 қазанында Қазақстан Жазушылар одағының басқармасымен бірлесіп, жерлес ақын, «Серпер» жастар сыйлығының лауреаты Шар өңірінің тумасы Саят Қамшыгердің «Шығысым бар Алтай таудың кеніндей…» тақырыбындағы шығармашылық кешін ұйымдастырды.

Өткізілген күні: 30 қазан 2013 жыл. Өткізілген орны: Шығыс Қазақстан Облыстық Абай атындағы әмбебап кітапханасы. Қатысушылар: қаланың зиялы қауымы, жергілікті ақындар, кітапхана оқырмандары. Қатысушылар саны: 197 адам. Мақсаты: Семей өңірі жас ақындарының шығармашылығымен таныстыру, қазіргі қазақ поэзиясын насихаттау.

Шығыс Қазақстан Облыстық Абай атындағы әмбебап кітапханасы 2013 жылдың 30 қазанында Қазақстан Жазушылар одағының басқармасымен бірлесіп, жерлес ақын, «Серпер» жастар сыйлығының лауреаты Шар өңірінің тумасы Саят Қамшыгердің «Шығысым бар Алтай таудың кеніндей…» тақырыбындағы шығармашылық кешін ұйымдастырды.

Соңғы жылдары жас ақын Саят Қамшыгер қадамды жырларымен оқырмандар тарапынан өзіндік бағасын алып келеді. Ақынның жырлары 2006 жылы «Жалын» баспасынан шыққан «Жас толқын» ұжымдық жинағына, 2013 жылы Мәскеуде жарық көрген «Қазақ поэзиясы» антологиясына өлеңдері енген. Саят Қамшыгердің ақындық ерекшелігі – қарапайымдылығында, қазақылығында, жылылығында.

Оның қаламынан туған «Сары гүл», «Жүректегі ағыстар» сияқты жыр жинақтары оқырман қауым мен сыншылардан лайықты бағасын алып келеді. Ақын көбіне туған жер, Отан, елдік бағыттағы өлеңдер жазып, жастық шақ, махаббат тақырыбындағы лирикалық жырларымен танылып жүр. Қасиетті туған жері- Шығыс өңірі жайлы жазған өлеңдері «Дидар», «Семей таңы», «Шар тынысы» сияқты газеттерде жиі жарияланып тұрады. Өскемен мен Семей туралы жазылған жырлары көптеген жинақтарға енген.
Шара барысында Саят Қамшыгер өзінің жаңа жырларын оқыса, әнші, халықаралық байқаулар жүлдегері Саят Нұрғазин, әнші Ербол Молдажан ақынның сөзіне жазылған әндерді орындады. Жергілікті жас ақындар Ержан Жұмабек, Қуат Қиықбае және «Халықтық» ақындар орталығының шәкірті Қуаныш Мақсұтов өз жырларынан жыр-шашу арнады. Шара барысында Жерлес ақын Әділғазы Қайырбеков «Шер тартар», «Тәуелсіздік және қазақ поэзиясы», «Жандауа», «Ардакүрең» атты туындыларын, атыраулық Серікбол Хасан «Кәусар» атты жыр кітабын кітапханаға сыйға тартты.