Тәуелсіздік – Еліміздің ерлік жолы: ақпараттық сағат
2021 жылдың 18 маусымы күні Шығыс Қазақстан облыстық Абай атындағы кітапхана қызметкерлері кітапхана пайдаланушыларына дайындалған Тәуелсіздіктің 30 жылдығына арналған ақпараттық сағат өткізді.
Іс- шараға қатысушылар 30 жылдағы Қазақстанның жеткен жетістіктері мен мемлекет бойынша жасалған игі істері туралы ақпарат алып,егеменді даму жылдарында еліміздің барлық салаларда айтарлықтай табыстарға қол жеткізгені атап өтілді. Аталмыш жетістіктер бүгінде жаңа жетістіктерге негіз болды. Ақпараттық сағатқа қатысушылар еліміздің тәуелсіздік жылдарында жүзеге асырған экономикалық бағыттарымен танысты.Бейбітшілік пен тұрақтылықты, достықты ту еткен қазақ елі үшін маңызды факторы ретінде Қазақстан халықтары Ассамблеясының құрылуы жайында әңгіме өрбіді. Қатысушылар Қазақстанның тәуелсіздігін алу туралы Тұңғыш Президент Н.Ә. Назарбаевтың: «Тарих толқынында», «Жаһандық қоғамның түбегейлі жаңаруы», «Қазақстан жолы», «Жиырма бірінші ғасыр табалдырығында» және т.б. саяси кітаптар легімен ағылшын, қазақ және орыс тілдерінде танысты. Қазақстанның 30 жылдығына арнайы жасақталған кітап көрмесіндегі Қазақстанның экономикалық және саяси құрылымының негіздерінің қалыптасу хронологиясын көрсететін құжаттар енген «Тәуелсіздік шежіресі» атты көп томдық басылымына оқырмандар назары ерекше ауды. Шара соңында қатысушылар егемендік туралы өз пікірлерін ортаға сала отырып, кітапхана қызметкерлеріне алғыстарын білдірді.
