Кітапхананың анықтамалық іздеу аппараты: кәсіби кеңес
Шығыс Қазақстан облыстық Абай атындағы әмбебап кітапханасының библиографтары 2013 жылдың 29 қазанында Семей көп салалы коледжінің кітапхана ісі факультетінің студенттеріне арнап кітапхананың анықтама-библиографиялық аппараты тақырыбында кітапханалық-библиографиялық білімді жетілдіруде кәсіби кеңес өткізді.
Өткізілу күні: 29 қазан 2013 жыл. Қатысушылар: Семей көп салалы колледжінің студенттері. Қатысушылар саны: 4 адам. Іс-шараның мақсаты: студенттрге кітапхананың анықтама-библиографиялық аппараты туралы, библиографиялық іздестіру жолдары және ақпараттық-библиографиялық қызметі жайлы білімдерін жетілдіру. Күтілетін нәтиже: болашақ кітапханашы мамандардың библиографиялық білімін кеңейту, іс-тәжірибеде пайдалануына септігін тигізу.
Шығыс Қазақстан облыстық Абай атындағы әмбебап кітапханасының библиографтары 2013 жылдың 29 қазанында Семей көп салалы коледжінің кітапхана ісі факультетінің студенттеріне арнап кітапхананың анықтама-библиографиялық аппараты тақырыбында кітапханалық-библиографиялық білімді жетілдіруде кәсіби кеңес өткізді. Кітапханалық-библиографиялық сабақ барысында студенттерге анықтама-библиографиялық аппарат жайында кеңінен түсіндіріліп, каталогпен жұмыс жүргізудің жолдары туралы ақпараттар берілді.
Қазіргі заманға сай электрондық каталог, Мәліметтер қоры, кітапхананың электрондық ресурстары, Қазақстан Республикасының Ұлттық электрондық кітапханасы – www.Kazneb.kz жайында кеңестер беріліп, сайттан кітаптарды іздеу жұмыстары жүргізілді. Сондай-ақ, студенттер тарапынан қойылған Қазақстан Республикасының мемлекеттік библиографиялық көрсеткіштері туралы сұрақтарға жауап беріліп, «Газет мақалаларының шежіресі», «Журнал мақалаларының шежіресі» библиографиялық көрсеткіштерімен әдістемелік іздестіру жолдары көрсетілді. Аталып өтілетін және еске алынатын күндер күнтізбегімен таныстырылып, мерейтой иелеріне арналып өткізілетін өлкетану оқуларының маңызы жайында сөз қозғалды.