Тоқтамыс Батыр кітабының тұсаукесері: тікелей эфир
2021 жылдың 2 шілде күні Шығыс Қазақстан облыстық Абай атындағы кітапхана қызметкерлерінің ұйымдастыруымен ҚР білім беру ісінің үздігі, ардагер ұстаз Ғабдуллина Айжан Қабдырахманқызымен әлеуметтік желі арқылы тікелей толқында сұхбат өтті.
«Қаhарман батыр – Тоқтамыс Лақаұлы» тақырыбындағы сұхбат тың тарихи деректермен қауыштырып, батырдың көзсіз ерліктері, шешуші шайқастағы қаhармандығы, ел ішіндегі абырой-атағы жайлы айтылды.
Тоқтамыс батыр жайлы туындының авторы Айжан Қабдырахменқызы жан-жақты тыңғылықты зерттеу жасап, балалар әдебиетіне арналған қосымша тағы бір кітаппен рухани мұраны толтырыпты.
Эфир барысында оқырман қауымнан түрлі сұрақтар қойылып, толық жауабын да алып үлгерді. Қаламгердің жігері мен ізденімпаздығына ризашылықпен шара соңына жетті.
