Нұр-Сұлтан – заманауилықтың символы: кітап көрмесі

2021 жылдың 5 шілдесінде астана күні қарсаңында Абай атындағы Шығыс Қазақстан облыстық әмбебап кітапханасының қызметкерлері кітапхана пайдаланушылары үшін «Нұр-Сұлтан – заманауилықтың символы» атты кең көлемді кітап көрмесін дайындады, онда Қазақстан астанасының көрікті жерлері, экономикасы, мәдениеті және тарихы қазақ, орыс және ағылшын тілдерінде ұсынылды.

Кітапхана қызметкерлері кітап көрмесіне шолу дайындады. Көрмеге келушілердің ерекше назарын аударған энциклопедиялық басылым: «Астана» қазақ және орыс тілдерінде, елорданың барлық аспектілерін қамтып, сонымен қатар барлық көрікті жерлерді ұсынатын архитектуралық жолбасшы. Түрлі-түсті альбомдар «Астана үшін мың тағзым», «Мыңжылдық тарихы бар қала» М.Әбсеметов, «Астана. Жан жүрегім» үш тілде астананың мәдени бейнесін, оның ерекше ғимараттары мен есте қаларлық мәдени нысандарын ашады.

«Астана осылай басталды» кітабында автор – астананың алғашқы әкімі Әділбек Жәкенбеков жаңа астананың құрылысы туралы қызықты құжаттық фактілерді келтіреді: Астанаға көшу үшін арнайы комиссияның жұмысы туралы, оның құрылысы туралы, Президент резиденциясы, репрессия құрбандарына арналған мемориал, әуежай құрылысы және т.б.

Көрмеге қатысушылар сонымен қатар газет-журнал басылымдарымен, елордаға арналған өлеңдер мен әндер жинақтарымен танысты, олардың арасында «Жыр құшағында ән қанатында» басылымы көрерменді қызықтырды.

Көрмеге келушілер үшін «Нұр-Сұлтан тарихы» викторинасы дайындалып, онда астананың ежелгі қоныс атаулары, астананың ауысуы және оның көрікті жерлері туралы сұрақтар қойылды. Ең белсенділер №47 мектептің оқушысы А.Айдарбекова мен Еуразия колледжінің студенті Д.Шаризакова болды. Олар кітаптармен марапатталды.