Қала мекемесінің тарихы: кітап көрмесі

Шығыс Қазақстан облыстық Абай атындағы әмбебап кітапханасында 2013 жылдың 2 қарашасында мәдени сенбілік аясында Санақ комитетінің құрылғанына 135 жыл толуына орай «Қала мекемесінің тарихы» тақырыбында кітап көрмесі ұйымдастырылды.

Өткізілген күні: 2 қараша. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: кітапхана оқырмандары. Қатысушылар саны:17 адам. Шараның мақсаты: санақ комитетінің тарихы мен комитет басып шығарған сирек басылымдармен оқырмандарды таныстыру.

Шығыс Қазақстан облыстық Абай атындағы әмбебап кітапханасында 2013 жылдың 2 қарашасында мәдени сенбілік аясында Санақ комитетінің құрылғанына 135 жыл толуына орай «Қала мекемесінің тарихы» тақырыбында кітап көрмесі ұйымдастырылды. Кітапхананың сирек қорында Санақ комитетінің басшылығымен жарық көрген «Памятная книжка Семипалатинской области» , «Обзор Семипалатинской области», «Сельско-хозяйственный отдел Семипалатинской области», «Некоторые Статистические итоги» басылымдары шараға қатысқан оқырмандар назарына ұсынылылды. Далалы өлкені ғылымның сан-саласынан зерттеудің негізін қалаған ең алғашқы Семейдегі қоғамдық мекеме Облыстық Санақ комитеті 1878 жылы құрылды. Комитеттің ғылыми хатшысы Е.П.Михаэлистің басшылығымен зиялы қауым шоғырланған бұл мекемеге өлке туралы ресми мәліметтермен қатар «міндетті емес жұмыстар», яғни өлкені тарихи, географиялық тұрғыдан зерттеу жұмыстарымен айналысқан.

Қатысушылар қазақтың ұлы ақыны Абай Құнанбаев өлкенің қоғамдық өмірінің тыныс-тіршілігімен тығыз байланыста болғаны жайлы, Санақ Комитетіне 1886 жылдың 4 мамырынан мүше болып тіркелгені туралы «Памятная книжкалардың» 1897, 1900 жылғы басылымдарынан бағалы мәлімет алып, ерекше әсер алды.