Абай тұлғасы сирек басылымдарда: кітап көрмесіне шолу

5 тамызда Абай атындағы кітапханада 10 тамыз – «Абай күні» қарсаңында  «Абай тұлғасы сирек басылымдарда» тақырыбында  кітап көрмесі ұйымдастырылып, шолу жүгізілді.

Шолу кітапханамыздың тарихынан басталып, «Абайдың рухани орталығында» жалғасын тапты.

Оқырмандарға  Абайдың рухани орталығындағы 18 ғасырдың соңы мен 19 ғасырда баспа көрген  құнды әдебиеттер мен Абай заманындағы сирек әдебиеттер ерекше әсер берді. Шығыс өңірі және ХХ ғасыр басындағы дала аймағын зерттеушілердің еңбектері мен қазақ ақыны Абай Құнанбаевтың шығармалары жайында мол мағлұматтар  ұсынылды. Абай оқыған кітаптарға аса назар аударып, қордағы Абайдың қайраткерлік бейнесін ашатын құнды материалдармен танысты. Көрмедегі Абай тұлғасына қатысты сирек басылымдар мен әлем тілдеріндегі Абай шығармалары және батыс ойшылдарының еңбектері мен  әйгілі орыс және еуропа классиктері Л. Толстой, В. Жуковский, А. Шекспир, Ф. Шиллер, И. Гете, Дж.Байрон, Г. Андерсеннің туындыларын, Абайдың латын графикасындағы 1936 және 1939 жылдардағы шығармалар жинақтарын аса ризашылықпен тамашалап, ерекше құрметпен қарады.