Жастықтың оты жалындап: тікелей эфир
Тамыздың 10-ы күні Шығыс Қазақстан облыстық Абай атындағы әмбебап кітапханасы instagram желісінде кезекті эфирін «Жастықтың оты жалындап» жобасы аясында жас ақын, Нұр-Сұлтан қаласының тұрғыны Нағмет Жібек Ғабитқызымен өткізді.
Қазіргі уақытта заңгер қызметі мен медицина саласында жүрсе де, өзінің шығармашылық қаблетін жоғалтпай, қаламын тастамай, қара өлеңді қасына серік қылып келе жатқан жас ақын сүбелі сұхбат берді. Сұхбат барысында ол өзінің өскен ортасын, оқыған мектебін, таңдаған мамандығының сан қырына үңіліп, және бойына дарыған осы ақындығының себепкерлері өзінің атасы мен әжесі екендігін жеткізді.
Кеш барысында Жібек тәуелсіздікке арналған өлеңдерінен бастап, жүрек қылын шертетін әдемі махаббат лирикасынан тарту етті. Әрі қарай оқырман қауымның сұрақтарына жауап беріп, қатысушылармен жылы қоштасты.