Конституция – азаттықтың айшықты айнасы :ақпараттық сағат

Абай атындағы кітапхана мамандары 28 тамыз күні 30 тамыз ҚР Конституция күніне арналған “Конституция – өмірдің негізгі заңы” атты ақпараттық сағат өткізді. Іс-шараға қатысқан “Кеме қатынасы тіркелімі” бөлімінің қызметкерлеріне Қазақстан Республикасының Конституциясы туралы көптеген қызықты ақпарат жинақталған кітап көрмесі ұсынылды.
Кітап көрмесімен таныстырудан басқа, Қазақстанның ғана емес, әлемдік Конституциялардың даму тарихы жайында қызықты ақпараттар айтылды. Мысалы, ежелгі Римде және Грецияда конституция негіздерін енгізудің алғашқы қадамдары туралы, АҚШ, Боливия және Мексикада, Францияда қабылданған Конституциялар, алғашқы заңдар туралы ақпарат үлкен қызығушылықпен қабылданды.
Сондай-ақ, ақпараттық сағатта Қазақстандағы Конституциялардың даму және қабылдану кезеңдері мен еліміздің тарихында ата заңды 1911 жылы қабылдаудың бастауында Алаш қайраткерлері тұрғандығы баяндалды.
Ақпараттық сағаттың басым бөлігі 1995 жылы қабылданған, Қазақстан Республикасының Тұңғыш Президенті Н.Ә.Назарбаев жұмыс істеген Қазақстан Республикасының Конституциясына арналды, Конституцияның мәтінімен жұмыс жасауға жетекші құқықтанушы ғалымдар, академиктер Юрий Басин, Салық Зиманов, Ғайрат Сапарғалиев, Майдан Сүлейменов қатысты.
Сондай-ақ, “кеме қатынасы тіркелімі” мамандары үшін кітапхана бойынша экскурсия өткізілді, оларды кітапхананың қызмет көрсету бөлімдерімен, сирек қормен, Абай оқыған кітаптармен, Алаш Орда қайраткерлерінің басылымдарымен таныстырды