Жолдаудың басымдықтары мен бастамалары: талқылау
Кітапханамыз Нұр-Сұлтан қаласындағы Ұлттық Академиялық кітапхананың ұйымдастыруымен ZOOM платформасында өткізілген еліміз үшін аса маңызды саяси оқиға 1 қыркүйек күні Мемлекет басшысы Қ.Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына жолдауын талқылау шарасына қатысты.
Президент Жолдауы бүкіл әлем басынан кешіріп отырған қазіргі күрделі кезеңде еліміздің даму стратегияларын, саяси-экономикалық бағыт-бағдарын айқындайтын маңызды ресми құжат болып табылады. Қазақстан Республикасының барлық өңірлерінің кітапханашылары қатысып, талқылаған Ел Президентінің жолдауында әсіресе, мәдениет қызметкерлерінің, оның ішінде кітапханашылардың жалақысы 2022-25 жж. аралығында 20 %-ға өсетіні үлкен қуанышпен қабылданды. Шара қонақтары: Т.Сәдібеков, Көпен Әмірбек, Сәбит Досанов, Дәулеткерей Кәпұлы және кітапхана саласының мамандары Президент жолдауының мазмұны мен маңызы жайлы өз пікірлерін ортаға салды. Шараны қорытындылай келе кітапханашылар қауымы Мемлекет басшысына еліміздің кітапхана саласы мамандарының атынан қамқорлығы үшін алғыс хат жазуды ұйғарды.
