Халық бірлігі және жүйелі реформалар – ел өркендеуінің берік негізі
Ел Президенті Қасым-Жомарт Тоқаевтың Қазақстан халқына жолдауын талқылау
Қыркүйек айының 3 жұлдызында Шығыс Қазақстан облыстық Абай атындағы әмбебап кітапханасында мемлекет басшысы Қасым-Жомарт Кемелұлының Қазақстан халқына жолдауын әріптестер арасында талқылау шарасы өткізілді. Шараны жүргізген Ә.Бөкейханов университетінің профессоры Махмұт Түйебаев. Шара барысында профессор биылғы жолдаудың әр тармағына, әр бөлімін ыждаһаттылықпен талдады. Жолдаудың ерекшеліктерін, жаңалықтарын сөз ете келе, президенттің Білім беру саласына енгізуіміз тиіс жаңашылдықтарын түсіндірді. Ел ертеңі мықты кадрлар екенін басты назарға ұстап, шетелдерден білім жетілдіріп келген жастардың мүмкіндігін ел үлесіне пайдалану керектігін айшықтады. Маңызды сала медицинаны әлемдік деңгейдегі сапаға көтеру, сонымен қатар қағазбастылықты тоқтату мақсатынды цифрлы орталықтарды дамыту, ол үшін ІТ мамандарын көптеп оқыту керектігін де тілге тиек етті. Әлеуметтің әлеуетін көтеру үшін мемлекеттің жоспарын, ауыл шаруашылық саласын өркендетуге түрлі субсидиялар мен несиелер, жеңілдіктер қарастырылатынын айтып өтті. Жолдаудың тақырыбында тұрғандай «Іс-қимыл кезеңі» басталуы керек екендігін, ол үшін әр азамат барын салып, жұмыла еңбектенуі қажет екенін айтып, түйіндеді. Шара соңында қатысушылар көкейдегі сұрақтарын қойып, лайықты жауабын алды.
