Ел Президентінің 2021 жылғы жолдауы: мерзімді басылымдар көрмесі

2021 жыл 14 қыркүйек күні Қаламыздың Р. Байсейітов атындағы Семей қаржы-экономикалық колледжінің 21 AQ – 1, 1 курс студенттеріне ШҚО Абай атындағы әмбебап кітапханасының мерзімді басылымдар бөлімінде Мемлекет басшысы Қ.Тоқаевтың Қазақстан халқына «Халық бірлігі және жүйелі реформалар – ел өркендеуінің берік негізі» атты жолдауы бойынша «Ел Президентінің 2021 жылғы жолдауы»: атты мерзімді басылымдар көрмесі ұсынылды. Ел Президентінің Қазақстан халқына Жолдауының негізгі мәселелерінде аталған, яғни пандемиядан кейінгі негізгі кезеңдегі экономикалық даму, денсаулық сақтау жүйесінің тиімділігін арттыру, сапалы білім беру, өңірлік саясатты жетілдіру, еңбек нарығында тиімді экожүйе қалыптастыру, саяси жаңғыру және адам құқығын қорғау, ұлттың ұйысуы – одан әрі дамудың басты факторы болатын жүйелі реформалар мен стратегиялық бағыттары насихатталды. Сонымен қоса халықтың әл-ауқатын арттыруға арналған Мемлекет басшысының бес түрлі бастамаларынан да мағлұматтар айтылды.
Студент жастар Елбасы Жолдауын қолдап, алған әсерлерімен бөлісіп тарқасты.