Поэзия әлемі: оқырмандар конференциясы
Шығыс Қазақстан облыстық Абай атындағы әмбебап кітапханасы 2021 жылдың 28-қыркүйегінде Шәкәрім университетінің филология факультетінің оқытушысы, профессор Тоқсамбаева Айман Омарқанқызының ұйымдастырылуымен “Бір ел-бір кітап” акциясына аясында бекітілген 30 кітаптың ішіндегі поэзия жанры атап айтқанда, М.Мақатаев, Ж.Нәжімеденов, Ұ.Есдәулет, С.Ақсұңқарұлы, Б.Қанапиянов, Т.Таңжарық сынды ақындардың поэзиясына талдау жасалды. Аталмыш акцияның мақсаты – ұлттық әдебиетіміздегі ең үздік деген туындыны оқу және насихаттау, оқу ісін ілгерілету, рухани мұрамызды сақтау, сондай-ақ жастарды отаншылдыққа әрі өнегелілікке тәрбиелеу. Конференция барысында 3-курс Кя-903с тобының студенті Келген Дария конференция тақырыбына байланысты, ақындардың шығармашылықтары, жазу стилі, ерекшелікері туралы баяндама жасады. Конференция барысында Айман Омарқанқызы және модератор Бауыржан Игілік ақындардың шығармаларындағы еркіндік, ешкімге жалтақтамайтын турашылдықтары, табиғатты бейнелеу ырғақтары туралы студенттерге ақпараттар берді. Студенттер тақырып бойынша ойларын ортаға салып, ақындардың өлеңдерін нақышына келтіре оқыды.