Қазақ әдебиетінің алыптары: оқырмандар конференциясы

2021 жылдың 28-қыркүйегінде Шығыс Қазақстан облыстық Абай атындағы әмбебап кітапханасы Шәкәрім университетінің филология факультетінің оқытушысы, ф.ғ.к. Ақтанова Айман Советовнамен бірлесіп, “Қазақ әдебиетінің алыптары” тақырыбында қазақ әдебиетінің классигі, қоғам қайраткері, ҚР ҰҒА академигі Мұхтар Омарханұлы Әезовтың, Қазақстанның халық жазушысы, Қазақстанның еңбек сіңірген мәдениет қызметкері, ҚР Мемлекеттік сыйлығының лауреаты, тәуелсіз «Тарлан» сыйлығының лауреаты Шерхан Мұртазаұлы Мұртазаның, жазушы, Қазақ КСР Мемлекеттік сыйлығының, Қазақстан Ленин комсомолы сыйлығының, Н.Островский атындағы Бүкілодақтық әдеби сыйлықтың иегері Оралхан Бөкеевтардың туған күндеріне орай оқырмандар конференциясын өткізді. Шараға Шәкәрім унверситетінің Дулат Бабатайұлы атындағы ақындар үйірмесінің студенттері қатысты.
Конференцияда Оралхан Бөкейдің “Қар қызы” повесі жайлы Сайленова Аяулым, Мұхтар Әуезовтің “Қорғансыздың күні” әңгімесі бойынша Мұрат Айсәуле, Шерхан Мұртазаның “Қызыл жебе” романы бойынша Бауыржан Салимжанов баяндама жасады. Жиын барысында модератор Бауыржан Игілік аталмыш шығармалар жайында және жазушылардың азаматтық келбеті яғни, қоғамдық көзқарасы, қайраткерлік белсенділіктері, отаншылдық, ұлтшылдық рухтары, сонымен қатар жазу стилдері мен сөз саптаулары хақында өзінің құнды ойларымен бөлісті. Қаламыздың жас буындарының бірі Ерік Омарғали Оралхан Бөкей рухына арналған жалынды жырын паш етті.