«Абай әлемі» кітаптар топтамасы: кең көлемді кітап көрмесі
Абай кітапханасының мамандары 1 қазан күні Семей қаласының Шәкәрім атындағы университетінде п.ғ.д. профессор, көрнекті қазақстандық педагог және ғалым Әсемгүл Александрқызы Молдажановаға арналған «Қазақстан Республикасының қазіргі білім берудегі жетістіктері мен инновациялары» тақырыбында өткен халықаралық ғылыми-практикалық конференциясының қатысушыларына «Абай әлемі» сериясымен шыққан кітаптар топтмамасынан жасақталған кең көлемді кітап көрмесін ұсынып, шолу жасады.
Көрмеге “Абай әлемі” – топтамасының 2018 жылғы басылымындағы Шығыс Қазақстандық авторлардың Абай Құнанбаев, Шәкәрім Құдайбердіұлы, Мұхтар Әуезов, Анатолий Иванов, Борис Щербаков шығармалары, Әміре Қашаубайұлы туралы естеліктер жинағы және Ф.М. Достоевскийдің «Семипалатинский период о жизни», сондай-ақ «ХІХ-ХХ ғғ. Өлкетанушылар Шығыс Қазақстан туралы» жинағы, Станислав Черных «Неутомимый краевед Рудного края» жинағы, Шығыс Қазақстанның тарихы мен мәдениетіне өз үлесін қосқан көрнекті тұлғалар туралы, ақындар Нұрлыбек Баймұратов пен Қалихан Алтынбаевтың шығармалары және жас талантты ақын-жазушылардың жырлары енген жинақтары таныстырылды.
2019 жылғы басылымындағы Тыныштықбек Әбдікәкімовтың «Жұмақ күн», Қалихан Алтынбаевтың «Қайран өмір…», Көпен Ерқасовтың «Елім менің», Айтмұхамбет Қасымовтың «Туған жер әуендері», Бақытжан Раисованың «Желдің күн беті», Станислав Черныхтың «Неутомимый краевед Рудного края», Мерей Қарттың «Қарашықтағы құбылыстар» , Бауыржан Игілік пен Қызырбек Дүргінбайдың шығармалары және қаламыздың отыз сегіз, жас қаламгерлерінің шығармашылығынан құралған «Жастықтың оты жалындап» атты жинақтары қатысушылар назарына ұсынылды.
2020 жылығы басылымындағы Абайтанудың 5 томдық кітабымен және 1909 жылы басылып шыққан репринттік басылымы – «Қазақтың ақыны Ибраһим Құнанбайұғлының өлеңі», 4 томдық «Абай және ақын шәкірттер мұрасы», Т. Жұртбайдың «Рух сұлтандары» , Б.Щербаков орыс және ағылшын тілінде жарық көрген «Звездная степь Жидебая» шығармасы, Сапарғали Әлімбетовтың және т.б ақын жазушылардың шығармалары ұсынылды.
