Линае Хосек – English Friendship клубының төрайымы
2013 жылы 7 қараша күні Шығыс Қазақтан облыстық Абай атындағы әмбебап кітапханасының шетел әдебиеттер бөлімі, Америка бұрышы аясында «English Friendship» атты ағылшын клубы құрылуының кездесу – отырысы өтті.
Өткізілген күн: 07.11.2013. Өткізілген орын: Шығыс Қазақтан облыстық Абай атындағы әмбебап кітапханасы. Қатысушылар: ағылшын тілді оқырмандар. Қатысушылар саны: 35
Мақсаты: еліміздің болашақ жастарына ағылшын тілін үйренулеріне жағдай жасау.
2013 жылы 7 қараша күні Шығыс Қазақтан облыстық Абай атындағы әмбебап кітапханасының шетел әдебиеттер бөлімі, Америка бұрышы аясында «English Friendship» атты ағылшын клубы құрылуының кездесу – отырысы өтті.
Клубтың мақсаты: клуб мүшелеріне ағылшын тілінің қыр-сырын меңгерту. Ауызша сөйлеу тілін жетілдіру, сөз мәдениеттерін қалыптастыру.
Клубтың дұрыс жасақталуы үшін,бірінші кезекте клубқа өз еркімен мүше болуға өтініш білдірушісі мүшелер тізімі жасалды. Клубтың негізгі атқарар жұмыстарымен таныстырылды.
Ал енді бастысы, аталмыш клубты басқаратын төрайымның сайлануы. Шетел бөлімі қызметкерлері және клуб мүшелері ортақ ақылдаса келе төрайым етіп, Кансас университетінің оқытушысы, волонтерь – Линае Хосекті бірауыздан сайлады.
Қонағымыз ендігі сәтте клуб жұмысын жандандырып, көздеген мақсатқа жетуге қол ұшын беретіндігін жеткізді.
Бұл отырыста талқыланған басты бір мәселе клубтың атын қою болды. Клуб мүшелері қызу талқылай отырып, «English Friendship» деп атады.
Кездесу- отырыста болған тағы бір қызықты ақпарат бар. Ол клуб төрайымы -Линае Хосек өзінің қаладағы болу мерзімі аяқталған соң, орнына өзінің айтуы бойынша төрайым немесе төраға тағайындап кетуі. Бұл қызықты жаңалық клуб мүшелерінің тілге деген қызығушылықтарын арттыра түсті.
Отырыста клубтың жұмыс істеу кестесі жасалды. «English Friendship» клубы мүшелері әр ай сайын 2 рет отырыста болулары міндетті деп шешім шығарылды. Клуб мүшелерінің жастары әрқалай. Онда мектеп оқушылары, колледж және ЖОО орны студенттері бар.Клуб мүшелерінің саны: 25. Алдағы уақытта қатысып мүшелікке өтем деушілерге есік ашық.
Клубтың ендігі отырысында мүшелердің тіл меңгерулері ескеріле отырып, төрайым орынбасары сайланады.
Отырыста ағылшын тілінде елтану жайында ақпараттар айтылды. Алдағы уақытта клуб мүшелері төрайымның айтуы бойынша тапсырмалар орындап келетін болады. Төрайымның тапсырмалар беруіне және тақырыптар таңдауына шетел әдебиеттер бөлімі арнайы түрде сілтемелер жасайтын болады.