Сен және сенің құқығың: танымдық сағат

Абай атындағы кітапханада 13 қазан күні  әлеуметтік ақпарат лекториі шеңберінде, «Сен және сенің құқығың» тақырыбында танымдық сағат ұйымдастырылды.

Шараның мақсаты студенттердің адам құқықтары, құқықтық сауаттылық жайындағы білімдерін кеңейту.

Шара барысында кітапхана пайдаланушыларына Қазақстан азаматы Қазақстан Республикасының Конституциясын және заңдарын сақтауға, басқа адамдардың құқықтарын, бостандығын, ар-ожданы мен қадiр-қасиетiн, Республиканың мемлекеттiк нышандарын құрметтеуге мiндетті екенін, айтылды.

Шара  барысында студенттерге өз құқықтарын қорғай білуге, заң алдындағы жауапкершілікті арттыруға және құқықтық сауаттылыққа тәрбиелеуге қатысты ақпараттар берілді.  Заң талаптарын бұзбау, екінші жағынан өзіне жүктелген міндетті дұрыс орындау қажеттігі   жайында да кеңінен мағлұматтар ұсынылды. ҚР адам құқықтарын реттейтін заңдар жүйесі сонау Жеті Жарғыдан бері қалыптасып, негізі қаланып, құқықтық-нормативтік актілер еліміздің егемендік алғаннан бері реформаланып, даму үстінде екіндігіне айтылып, көрмеге ұсынылған әдебиеттерге шолу жасалынды.

Кітап көрмесіне Абай атындағы кітапхана қорындағы құқық саласына қатысты кітаптар, заңды құқықтық-нормативтік актілер, газеттер мен журналдар қойылды. Шара соңында қатысушылар тарапынан сұрақта қойылып, пікір алмастырылды.