Уықты басқұр сақтайды, ұлтты дәстүр сақтайды: бейнеақпарат

14 қазан 2021 жылы Шығыс Қазақстан облыстық Абай атындағы әмбебап кітапханасының жұмыс жоспарына сәйкес «Рухани жаңғыру» бағдарламасы аясында «Уықты басқұр сақтайды, ұлтты дәстүр сақтайды» атты бейнеақпарат өткізілді.
Ел Президенті бағдарламалық мақаласында замана сынынан сүрінбей өткен озық дәстүрлерді табысты жаңғырудың маңызды алғышарттарына айналдыра білу қажеттігін атап өтті. Жобаның мақсаты көнеріп, қолданыс аясы тарылған дәстүр мен ғұрыптан бас тартып, ұмыт болғанын жаңғыртып, тәрбиелік және адамгершілік құндылығы жоғары салт-дәстүр, әдет-ғұрыптарды заманға сай түрлендіру.
Салт-дәстүрлеріміздің кейбірі халық арасында кеңінен пайдаланылып жүрген болса, кейбірі ұмыт қалып барады. Әсіресе жастарымыз біле бермейтін салт-дәстүрлеріміз жетерлік. Ақпарат барысында ұмыт болған «Біз шанышар», «Сыралғы», «Қыз қашар» (дәстүр), «Тоғыз», «Босағаға ілу», «Шарғы салу», «Тіл кестіру» т.б. салт-дәстүрлерлердің ерекшеліктері мен тарихы туралы ақпараттар берілді.