Роллан Сейсенбаев – қазақ әдебиетінің танымал классигі: әдеби сағат
28 қазан күні Абай атындағы кітапханада жазушы Р.Ш.Сейсенбаевтың туғанына 75 жыл толуына орай «Роллан Сейсенбаев – қазақ әдебиетінің танымал классигі» атты әдеби сағат өтті.
Іс-шараға Бизнес және сервис колледжінің студенттері шақырылды, олар үшін кітапханаға экскурсия жүргізіліп, кітапхананың тарихымен, бөлімдерімен, сирек қорымен, Абай оқыған кітаптарымен танысуға мүмкіндік алды.
Кітапханаға келген сапардың өзегі Роллан Сейсенбаевқа арналған әдеби сағат болды. Кітапхана мамандары студенттерге жазушы-драматург, түрлі марапаттардың лауреаты Р.Сейсенбаевтың өмірінен қызықты деректер айтып, оның шығармашылық өмірбаяны және автор өз шығармаларын оқитын бейнероликпен толықтырды. Жазушының тұлғасы жан-жақты ашылып, оның аудармашылық қызметі, қазақтың ұлы ақыны Абайдың шығармашылығы мен мұрасын әлем жұртшылығына жеткізудегі ғылым мен әдебиетке қосқан үлесі көрермен қауымға таныстырылды.
Студенттер Р.Сейсенбаевтың «Менің анам командировкада» әңгімесін талқылауға ерекше қызығушылық танытты. Оларға осы шығармадан үзінді оқылып, оқиғаны талдай отырып, оқушылар оқиғаның қалай аяқталғанын, басты кейіпкердің анасының ұзақ іссапарға кеткеніне неліктен сенетінін болжауға тура келді. Оқиғаның шын мәнінде қалай аяқталғаны біздің қонақтар үшін жұмбақ күйінде қалып отыр және олар бұл шығарманы соңына дейін оқығаннан кейін ғана дұрыс жауапты таба алады.
Әдеби сағат Роллан Сейсенбаевтың кітаптарына шолумен толықтырылды.
