Дені саудың – жаны сау: офлайн кездесу
2021 жылдың 12 қараша күні Шығыс Қазақстан облыстық Абай атындағы кітапхананың оқырмандарға қызмет көрсету бөлімі қызметкерлері бөлім ішінде жасақталған «Әлеуметтік қажетті ақпараттар лекторийі» аясында «Дені саудың – жаны сау» тақырыбында офлайн кездесу ұйымдастырды. Кездесуге Семей ядролық медицина және онкология орталығы директорының емдеу жұмыстары бойынша орынбасары,Семей қаласының штаттан тыс бас онкологы,жоғарғы санатты дәрігер онколог, MD, PhD докторы – Жабағин Қуантқан Талғатұлы шақырылды.
Іс-шара барысында ғасыр індетіне айналған короновирус ауру мен обыр ауруының қатері туралы және аталмыш аурулардын алдын алу, емдеу жолдары туралы жалпы мәліметтер беріле отырып, кездесуге қатысушыларға арнайы түрде «Ашық микрофон» ұсынылды.
Шараға Семей мемлекеттік медицина университетінің жоғарғы курс студенттері, «Семей» медколледжі студенттері және қатысуға ниет білдіруші барлық санаттағы оқырмандар қатысты. «Ашық микрофон» аясында көрермендер өз көкейлерінде жүрген сауалдарын жолдап, анық түрде бағыт бағдар ала алды.
Шарада дәрігер онколог Қуантқан Талғатұлы салауатты өмір салтын ұстану туралы маман кеңесін ұсынып, қатысушылар өз разылықтарын білдірді. Іс-шара соңында барлық қатысушыларға, әрі кездесу кешіне келуші Қуантқан мырзаға кітапхана атынан алғыс айтылып, сыйлыққа кітап табысталды.
