Қоңыр қаз үні: кітабының таныстырылымы

  • 12.11.2021

Ағымдағы жылдың 11 қарашасында ШҚО Абай атындағы әмбебап кітапханасының  ұйымдастыруымен Қазақстан Республикасының мәдениет қайраткері, «Бірлік» медальі және «Үздік бапкер» номинациясының иегері, Семей қаласындағы Халықтық ақындар орталығының жетекшісі, ақын Омарбаева Дәметкен Серікбайқызының «Қоңыр қаз үні» кітабының таныстырылымы өтті.

Шараға Шәкәрім атындағы университеттің «Дулат Бабатайұлы» атындағы ақындар үйірмесінің жастары, Семей қаласындағы №15 мектептің оқушылары, кітапхана мамандары және Дәметкен Серікбайқызының шәкірттері қатысты.

Таныстырылымның алғашқы сөзін Абай атындағы кітапхана директорының орынбасары Аязбаева Гүлмира Мұратовна алып, мерейтой иесін құттықтап, ұжым атынан гүл шоғын табыстады.