Компьютер және көз қарашығы: денсаулық сағаты

  • 13.11.2013

2013 жылдың 13 қарашасында Семей қаласы №8 балалар үйінде Абай атындағы кітапхананың оқырмандарға қызмет көрсету бөлімінің ұйымдастыруымен «Компьютер және көз қарашығы» атты денсаулық сағаты өтті.

Өткізілген күні: 13 қараша 2013 жыл. Өткізілген орны: №8 балалар үйі. Ұйымдастырушылар: ШҚО Абай атындағы әмбебап кітапханасы.

Қатысушылар:№8 балалар үйінің тәрбиеленушілері. Саны: 19 адам. Мақсаты: Компьютердің көз қарашығына тигізетін зияны және оның алдын алу жолдары туралы ақпарат беру. Күтілетін нәтиже: Балаларға өз денсаулықтарына салғырт қарамай, компьпютерді шамадан тыс қолдануға болмайтындығын, кітапхана қорындағы мәліметтер арқылы жеткізу.

14

2013 жылдың 13 қарашасында Семей қаласы №8 балалар үйінде Абай атындағы кітапхананың оқырмандарға қызмет көрсету бөлімінің ұйымдастыруымен «Компьютер және көз қарашығы» атты денсаулық сағаты өтті. Тіршілікте ақпараттың 90 пайызын қос жанарымыз арқылы аламыз. Алайда, дәрігерлер соңғы жылдары көзінің көру мүмкіндігі азайған жандардың көбейіп бара жатқанын айтып, дабыл қағуда. Мәселен, ілгеріде көз ауруларына 50 жастан асқан адамдар жиі шалдығатын болса, қазір 20-дан асқан жастар да осы дерттің құрығына ілігуде. Бүгінгі күні көздің нашарлауына басты себеп – жасөспірімдердің компьютерді, ұялы телефонды көп пайдалану, теледидар экранына тым жақын отыру екені белгілі. Мұның бәрі де заманның талабы болғандықтан, бұлардан бас тарту мүмкін емес. Алайда сақтық шараларын білген жөн. Мамандар көздің көру деңгейінің төмендеуін байқаған сәттен бастап-ақ күтім жасап, оған күрделі мәселе ретінде қарау керектігін баса айтып отыр. Өйткені, көз қарашығы зақымданса, ол бұрынғы қалпына қайта келмейді. Тіптен, қартаю шегіне жеткізбей, көру мүмкіндігінен айырып, соқыр қылуы мүмкін. Сонымен, компьютердің адам ағзасына залалын тигізетін факторлары мынадай:

  • Көздің көру қабілетін төмендетеді,
  • Омыртқалардың қисаюына әкеледі,
  • Жүйкеге салмақ түсіреді,
  • Шаршағыштық, әлсіздік басады.

Денсаулық сағаты слайд көрсетілімі арқылы жалғасын тапты. Балалар зор ықыласпен қызыға тыңдап, ризашылықтарын білдірді.