Қазақстан тәуелсіздігі: 30 жылдағы 30 жетістік: кітап көрмесі

9 желтоқсан күні Абай атындағы кітапханада  келушілер үшін «Қазақстан Тәуелсіздігі: 30 жылдағы 30 жетістік» атты кітап көрмесі ұйымдастырылды. Көрме 20 желтоқсанға дейін жалғасады.

Көрмеге алғашқылардың бірі болып  Шәкәрім атындағы СМУ филология факультетінің студенттері болды, олар тек экспозициямен ғана емес, сонымен қатар Тәуелсіздіктің қалыптасу тарихымен, Қазақстан Республикасының Тұңғыш Президентінің атқарған қызметімен, мемлекетіміздің саяси, экономикалық, әлеуметтік және мәдени тұрғыдан дамуымен таныстырылды. М.Б.Қасымбековтың «Назарбаев моделі. Жаңа оқылымдағы танымал тарих», «Тәуелсіздік шежіресі» көптомдық кітаптары, «Ұлттық жаңғыру стратегиялары: жетістіктері мен болашағы» халықаралық конференциясының материалдары, «Тәуелсіздік толғауы» және сан қырлы сырларды ашатын еліміздің тәуелсіздік жолы, ұлттық даму ерекшеліктері, қызметі бүкіл әлемде бейбітшілік бастамаларды құруға бағытталған халықаралық форумдар мен симпозиумдарды ұйымдастыру сияқты кітаптар, көрменің шырайына  айналды .

Оқырмандарды Тәуелсіздік рәміздері, ел экономикасын реформалау кезеңдері, Қазақстанның жаһандық бастамалары, тәуелсіздіктің 30 жылында қол жеткізген озық 30 жетістіктері туралы ақпараттар қатты қызықтырды.