«BOOKMIX Бауыржан Игілікпен» жобасы
«BOOKMIX Бауыржан Игілікпен» жобасы осы уақытқа дейін қадірлі оқырманның көңіліне жағар түрлі автордың шығармасы мен кітаптарды ұсынып келеді. Осы орайда, жаңа жыл басында тағы бір әдеби әлемде аты ардақты ақын – Төлеген Айбергеновтың шығармашылығы оқырман назарына ұсынылып, «Бір тойым бар» кітабы талқыланды.
Шын дарындар алыстаған сайын биіктей беретінін Төлеген Айбергенов сияқты ақындардың ғұмырынан, оның жарқ етіп өткен отыз жасында қалдырып кеткен жырларынан көруге болады. Соның бірі ақынның біздің аталмыш жобада ұсынылып отырған «Бір тойым бар» кітабы. Отанға, туған елге деген сүйіспеншілігін, замандастарымыздың рухани сезім байлығын, ізгі тілеу, ақ ниетін жарқырата ашқан, қазақ поэзиясына өзіндік жаңа ырғақ, тегеурінді екпін әкелген ақынның қаламынан төгілген туындылары жайлы ақпарат беріліп, ақынның өлеңдері оқылды.
