Көркем сөз шебері: бейне портрет
Абай кітапханасының мамандары ақын, сазгер, журналист Көпен Ерқасовтың туғанына 70 жыл толуына орай «Көркем сөз шебері» атты бейне сюджет ұйымдастырды.
Көпен Ерқасовтың еңбек жолы аудандық газетте хаттар мен бұқаралық жұмыс бөлімінің меңгерушісі, жауапты хатшы, редактордың орынбасары қызметтерін атқарып, кейінен «НТК-Восток» телеарнасында диктор-журналист, қазақ бағдарламаларының редакторы, қазақ бағдарламаларының директоры қызметтерін атқарғандығы туралы желі пайдаланушыларына ақпараттар берілді. Өлеңдері Марқакөл аудандық «Шамшырақ», «Дидар», «Жас Алаш», «Ертіс өңірі», «Қазақ әдебиеті» газеттерінде, «Жұлдыз», «Ақ Ертіс», «Шолпан» журналдарында жарияланып, ақынның «Марқакөл маржандары», «Ағажай Алтай», «Жүректегі жазулар» «Бәйтерек», «Ақбұлақ», «Ақиқат» атты жыр кітаптары жарық көргендігі туралы айтылды.
Оқырмандардың ерекше қолдауына ие болған Көпен Ерқасовтың «Ақнайман қырылған» поэмасы ақын шығармашылығының биік шыңы деп айтуға болады.
2019 жылы «Абай әлемі» сериясымен шыққан кітаптар топтамасына енгізіліп «Елім менің» атты өлеңдер жинағы оқырмандар назарына ұсынылды.
Шара барысында ақын, сазгер, журналист Көпен Ерқасовтың шығармашылығы мен жарыққа шыққан кітаптарына енгізілген жырлары мен поэмасына шолу жасалып, ақпараттар берілді.
