Алтын адам – Қазақстан тәуелсіздігінің символы: бейнеақпарат
2022 жылдың 18 қаңтарында ШҚО Абай атындағы кітапхананың әлеуметтік желі қолданушыларының назарына Қазақстан тарихындағы ең танымал археологиялық қазба – Алтын адам туралы бейнеролик ұсынылды.
Кітапхана қызметкері Алтын адам киімі туралы толық мәлімет ұсынды: көшпенді еліміздің, көне түркінің алғашқы мәдени жетістіктерінің бірі – Алтын адам. Алтын адам — 70-шы жылдардың басында Алматы облысы Есік қаласынан табылған темір дәуірінен сақталған алтын киімді сақ жауынгерінің мүрдесі. Есік қорғанынан табылған сақ ханзадасы және оның ғұрыптық кешені – құнды тарихи дереккөздері болып табылады. Келесі Алтын адам Шілікті жазығынан, Елеке сазынан, елдің әр өңірінен табылып, яғни бұл сақ мәдениетінің, ежелгі түркі мәдениетінің жетістігі, сол заманның өркениетінің зор ұшпағы екендігін көрсетіледі. Ол Қазақстан үшін ғана емес, бүкіл әлем үшін баға жетпес мұра. Ұлы даланың жеті қырының бірі. Уақыт өте келе бұл тарихи-мәдени мұраға арналған ғылыми зерттеулер негізінде құндылығы одан әрі арта түспек.
Маман Алтын адам киімі 4 мыңға жуық алтын әшекейлермен безендірілгенін, әшекейлер барыс, бұлан, таутеке, арқар, ат, түрлі құс бейнелерін беретін “хайуанат нақышында” жасалғанын, бас сүйектің сол жағынан жаһұт тастармен әшекейленген алтын сырға табылғандығы туралы айтты.
«Қазақстан жерінен табылған «Алтын киімді адамдар»- қилы тарихымыздың даңқын алысқа жеткізген асыл сүйекті бабаларымыз, бүгінде біздің еліміздің басты символына айналып отыр. Тәуелсіз елдің, біздің бабаларымыздың осы үлкен мәдениетті меңгеріп, өркениетке дейін жетіп, бүкіл дала мәдениетінің дамуын осы алтын адам арқылы аңғаруға болады деді кітапханашы», – деді кітапханашы.
