Апорт – Қазақстанның визит картасы: кітап көрмесіне шолу

14 ақпан күні кітапхана қызметкерлері «Ұлы даланың жеті қыры» бағдарламасына орай, «Қазақстан алма мен қызғалдақтың отаны» айдарымен  кітапхана оқырмандарына ұлттық құндылықтарды дәріптеу, еліміздің тарихы мен мәдениетін кеңінен таныстыру мақсатында «Апорт – Қазақстанның визит картасы» тақырыбында кітап көрмесіне шолу өткізді.

Шара барысында кітапхана қызметкерлері  кітап көрмесіне қойылған әдебиеттерге, анықтамалық басылымдарға шолу жасап, қызықты тарихи мәліметтерден деректер келтірді.

Алма атаулының арғы атасы қазақтың жерінде өскені, жер шарындағы алма жемісінің алғаш пайда болған жері – Алатау өңірінде бүр жарып, жер жүзіне таралғаны жайындағы тарихи мәліметтерге сүйене отырып ақпараттар берілді.

Оқырмандарға алма жемісінің түрлері, пайдасы мен зияны жайында  және «Қазақстанның қызыл кітабына» енгізіліп, қорғауға алынған алма сорттары жайында баяндалды.

Кітап көрмесіне қойылған А.Шалекенова «Жеміс-жидек», Т.Аубекеров «Жеміс-жидек өсіру», К.Сыбанбековтің «Жабайы өсімдік сыры» «Қазақстанның қызыл кітабы», «100 советов садоводам»,  т.б. басылымдар оқырмандардың қызығушылығын тудырды.

Кітапхана пайдаланушылары ұлы даланың жеті қырынан сыр шертетін  атаулы  көрмеден өздеріне қызықты мәліметтер алды.