Бір шаңырақ астында: мерекелік кеш

Шығыс Қазақстан Облыстық Абай атындағы әмбебап кітапханасында  28 қараша күні 1 наурыз – Алғыс айту күніне орай Семей полиция басқармасының мамандарына  «Бір шаңырақ астында» тақырыбында мерекелік кеш ұйымдастырылды.

Кітапхана маманы  Медет Божан: «Рухани жаңғыру» бағдарламасы бойынша 2016 жылы 173 жарлықпен 1 Наурыз – алғыс айту күні болып жарияланған болатын. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды» – деп мерекенің тарихымен, ерекшелігімен  таныстырып өтті.

Шара барысыныда тақырыпқа сай кітап көрмесі ұйымдастырылып, «Бірлігі жарасқан біздің үй», «Народ Казахстана: энциклопедия», «20 елт АНК: одна страна-одна книга», Құсайынов «Қарашаңырағым»,  Арын Р.С., Иренов Г.Н.  «Этнополитология» және т.б. әдебиеттер мен мерзімді басылымдар ұысынылды.

Кітапханамыздың тұрақты оқырманы жас ақын Жасұлан Мақаев «Біздің елдің жігіттері» және т.б. патриоттық тақырыпта әндер орындап,  өз шығармашылығынан өлеңдер оқып шараға мерекелік атмосфера сыйлады.