Жылулық пен мейірімге толы әлем: кең көлемді кітап көрмесі

1- наурыз күні кітапханада Қазақстандағы өзге ұлт өкілдерін қиын-қыстау кезеңде құшақ жая қарсы алған кеңпейіл де қонақжай қазақ халқына алғыс айту күнін мерекелеу аясында дайындалған «Жылулық мен мейірімге толы әлем» атты кітап көрмесі қойылды. Кітап көрмесіне қойылған кітаптар мен мерзімді басылымдардан келушілер мерекенің тарихымен, бұл күнді тойлаудың негізгі мақсаты – достыққа, планетадағы барлық адамдарға құрметпен қарауға тәрбиелеумен, сондай-ақ ұлтаралық қатынастарды нығайтуға байланысты басылымдармен танысты.
Сондай-ақ ХХ ғасырдың басындағы, 30-шы жылдардағы ұжымдастыру жылдарындағы, Ұлы Отан соғысы жылдарындағы және тың жерлерді игеру жылдарындағы халықтардың Қазақстанға қоныс аударуы тақырыбына назар аударылды. Соғыс кезінде көшіп келген отбасылардың шынайы оқиғалары жарияланды.
Сонымен қатар, көрмеге Қазақстан халқы Ассамблеясының құрылуы мен қызметі туралы, еліміздің аумағында тұратын халықтар туралы кітаптар қойылды.