Ұлттық ойын- ұлттық көрініс: әдеби- сазды ойын кеші

  • 13.11.2013

Шығыс Қазақтан облыстық Абай атындағы әмбебап кітапханасының қызметкерлері 2013 жылдың 13 қараша күні «Ұлттық ойын- ұлт көрінісі» тақырыбында мерекелік іс- шара ұйымдастырды.

Өткізілген күн: 13.11.2013. Өткізілген орын: Шығыс Қазақтан облыстық Абай атындағы әмбебап кітапханасы. Қатысушылар: Қаладағы мәдени орталықтар, М.О.Әуезов атындағы педагогикалық колледж студенттері, Семей мемлекеттік медицина университетінің студенттері, Семей радио және байланыс колледжі студенттері. Қатысушылар саны:148. Мақсаты: Семей қаласында тұратын әр ұлт өкілдерінің ұлттық ойындарын өскелең жастарға таныстыру.

Шығыс Қазақтан облыстық Абай атындағы әмбебап кітапханасының қызметкерлері 2013 жылдың 13 қараша күні «Ұлттық ойын- ұлт көрінісі» тақырыбында мерекелік іс- шара ұйымдастырды. Ұлттық ойын күні АҚШ елдерінде атаулы күн болып саналады. Кітапханадағы шетел әдебиеттер бөлімінде бұл мейрам осы уақытқа дейін ағылшын тілді оқырмандар үшін әртүрлі шаралар ұйымдастыру арқылы таныстырылған болатын. Ал осы жылы ең алғаш рет, елімізде ресми түрде жарияланбаса да, қалада әр ұлт өкілдері тұратындығы ескеріліп, ұлттар арасында ұлттық ойындарды таныстыру мақсатында ауқымды іс-шара ұйымдастырылды.

15

Аталмыш іс- шараға Қазақ мәдени орталығы, Татар орталығы, «БУЮК КЕЛЕЖАК» өзбек мәдени орталығы және Семей мемелкеттік медицина университеті шетел бөлімінен үнді ұлтының жастары қатысты.

Әрбір қатысушы ұлт өкілдері өздерінің ұлттық киімдерімен ортаға шығып, ұлттық салт-дәстүрлері бойынша қысқаша баяндай отырып, ұлттық ойын түрлерін көрсетті. Қысқаша ойын тарихына тоқталды.

Мерекелік іс- шараға қаламыздағы Мәдениет сарайының әншісі, Ә.Қашаубаев атындағы сыйлықтың лауреаты Г.Мустафина әннен шашу шашып, осы мекеменің «КОТ НАБИ» бишілер тобы кәріс халқының және ұйғыр ұлтының ұлттық билерін көпшілік назарына ұсынды.