Алаш тарихының ақтаңдақтары: бейнедәріс

Абай атындағы кітапханада 16 наурыз күні ZOOM платформасында дәстүрлі «Алаш» жобасының кезекті бейнедәрісі өз жалғасын тапты. Жоба аясында Халел Досмұхамедов атындағы Атырау университетінің «Мәңгілік Ел» ғылыми-зерттеу орталығының жетекшісі тарих ғылымдарының докторы, профессор,  Ахмет Аққали Қабижанұлы «Алаш тарихының ақтаңдақтары» тақырыбында бейнедәріс өткізді.

Шара барысында қазақ зиялыларының тарихында терең із қалдырған «ақтаңдақтар» ақиқаты Алаш тарихынында зор мәні бар екендігіне тоқталды.

Тарих беттерін парақтай келе, халқы үшін өмірлерін қиып, рухтың биік үлгісін көрсеткен Алаш қайраткерлері туралы слайд шоу көрсетілді.

Тарихшылардың зерттеу еңбектерінде «Алаш»  мектебінің болғандығы  және де шетелдік зерттеушілердің Алаш тарихына қызығушылығы зор екендігін сөз етті.  Сонымен қатар бес арыстың  1986 жылы ақталғандығы сөз болды.

Дәрісте Алаш арыстары жөнінде тың мәліметтер берілді. Жер мәселесі бойынша Алаш зиялысы Уәлитхан Танашев пен Әлімхан  Ермековтың еңбегі зор екендігін, Х.Досмухамедовтың  Воронеж қаласында айдауда жүріп, Алаш қайраткерлерімен кездесіп тұрғандығына тоқталып өтті. Сонымен қатар, «Түркістан легионың» құрамында «Алаш» отряды құрылып, көптеген игі жұмыстар атқарғандығы туралы  және «Орал от құшағында» фильмінде Кеңес Одағының туы мен қатар Алаш туынын да тұрғандығы туралы сөз қозғалды.

Атыраулық Алаш арыстары: Ғаббас Бейісов, Қабдол Дошов, Шәмел Қабдолов және Алашорда үкіметінің шығыс бөлімінің белсенді қайраткері  Биахмет Сәрсенов пен оның ұлы Ғалихан Биахметұлы жөнінде мағлұматтар берілді. Шараға қатысушылар сұрақтарын қойып, Аққали Қабижанұлына алғыстарын білдірді.