Ұлыстың ұлы күні – Әз наурыз: кең көлемді кітап көрмесі

17 наурызда кітапханамызда «Ұлыстың ұлы күні – Әз наурыз» атты кітап көрмесі ұйымдастырылды. Көрермендер көрмеге қойылған кітаптар мен мерзімді басылым беттерінен 5000 жылдық тарихтан бастау алатын Наурыз мейрамының тарихи деректерімен, ерекшеліктерімен, ұлттық салт-дәстүрлер мен әдет-ғұрыптарымен танысты.
Сондай-ақ, оқырмандар әртүрлі түркі халықтары арасында Наурыз мерекесін тойлаудағы қызықты деректермен, Қазақстанда тұратын халықтардың ұлттық тағамдарымен, Наурыз мейрамын тойлау күндерінде олардың дайындалу ерекшеліктерімен танысты.
Көрмеде студенттер назарына «Көш келдін, Наурыз!», «Әлемдік және ұлттық спорт ойындары», «Қазақтың ұлттық тағамдары» сияқты кітаптар ұсынылды. Сондай-ақ, көрмені қазақ халқының музыкалық-театрлық шығармашылығының басылымдары яғни С.Кенжеахметұлының Наурыз халық ауыз әдебиеті мен ұлттық салт-дәстүрлер мерекесі ретінде ұсынылған «Наурыз: Ұлыс күніне арналған халық өлендері», «Наурыз: жаңғырған салт-дәстүрлер», «Қазақтың әдет-ғұрыптары мен ырымдары», Отбасы хрестоматиясы басылымымен шыққан «Әлдиден эпосқа дейін» және «Салт дәстүр сөйлейді» кітаптарымен толықты.