Кітаптардың таңғажайып әлемі: ертегі калейдоскоп

16 сәуірде Дүниежүзілік кітап және авторлық құқық күнін мерекелеу аясында балалар әдебиеті бөлімінің қызметкерлері оқушылардың кітапқа деген сүйіспеншілігін арттыру мақсатында, Ж.Аймауытов атындағы жалпы орта білім беретін мектептің 2 «а» сынып оқушылары мен жас оқырмандар арасында «Таңғажайып кітаптар әлемі» тақырыбына ертегі калейдоскоп өткізді.
Шара барысында кітапхана қызметкерлері Дүниежүзілік кітап және авторлық құқық күні, алғашқы кітаптың пайда болуы жайлы тың ақпараттар беріп, «Кітап» атты кітап инсталляциясымен таныстырды, сондай-ақ оқырмандарға қазақ, орыс және шетел жазушыларының ертегілері ұсынылды. Оқушылар «Алтын сақа» ертегісін дауыстап оқып, талқылады, «Ертегіні білесің бе» т.б. викториналық ойындар ойнап, орыс халық ертегісі «Шұбар тауық» ертегісінің театрландырылған қуыршақ қойылымына белсене қатысып, өздерінің алғашқы актерлік өнерлерін көрсетті және осы ертегі жайлы өз көзқарастарын білдірді. Шара музыкалық жаттығулармен аяқталды.