“Абай әлемі” – жауһар туындылар кітапханасы: тұсау кесер

Eurasian Book Fair – 2022 халықаралық кітап көрме-жәрмеңкесінің үшінші күні Абай кітапханасы “Абай әлемі” жобасының 2019-2021 жылғы топтамасының тұсаукесер рәсімін өткізді. Тұсаукесер рәсімінің лентесын көрме қонақтары Стабул қаласындағы “Mega print” баспасының өкілі Ферхат Чивик пен жазушы, ақын, Қазақстан жазушылар клубының мүшесі, Ресей жазушылар одағының мүшесі, Шығармашылық Еуразиялық Гильдияның мүшесі (Лондон) В.Н.Гришиналар қиды.
Президентіміз Қ.К.Тоқаев биылғы жылды балалар жылы деп жарияланған болатын, осыған орай шарада балалар жазушыларының еңбектері басты назарда болды. Шараға Нұр-Сұлтан қаласының зиялы қауым өкілдері, ақын, жазушылар және ЖОО-ның студенттері мен орта мектеп оқушылары қатысты.
Шара модераторлары кітапханашылар Б.Игілік пен М.Божан “Абай әлемі” кітаптар сериясының 2019-2021 шығарылымдарына шолу жасап, аталмыш кітап сериясының 2019 жылғы топтамасы шығысқазақстандық авторлардың, соның ішінде Т.Әбдікәкімов, Қ.Алтынбаев, Қ.Ерқасов, А.Қасымов, Б.Раисов, С.Черныхтың шығармалар жинақтарын, жас ақындар Мерей Қарт, Бауыржанның шығармаларын ұсынды. Жас ақындар Б.Игілік пен Қ.Дүргінбайдың және т.б., облысымыздағы отыз сегіз жас ақынның шығармалары енген «Жастықтың оты жалындап» жинағымен шараға қатысушыларды таныстырылды.
2020 жылғы “Абай әлемі” кітаптар сериясы көрнекті ақын және ойшыл Абай Құнанбаевтың 175 жылдық мерейтойына арнайы шығарылған “Қазақтың ақыны Ибраһим Құнанбайұғлының өлеңі” атты өлеңдер жинағының 1909 жылғы репринт басылымы, 5 томдық “Абайтану” және 4 томдық “Абай және ақын шәкірттер мұрасы” жинақтары, Тұрсын Жұртбайдың “Рух сұлтандары ” мен Б.Щербаковтың орыс және ағылшын тілдеріндегі “Жидебайдың жұлдызды даласы” еңбегі, Сапарғали Әлімбетовтің және басқа да жазушылардың шығармалары ұсынылды.
2021 жылы “Абай әлемі” кітаптар сериясы 16 автордың шығармаларымен және екі жинақпен ұсынылды. Сапарғали Бегалиннің “Шоқан асулары”, Қалихан Ысқақтың “Келмес күндер елі”, Әлібек Асқаровтың “Алданған ұрпақ”, Мүсілім Құмарбектің “Тауқымет”, Дәулет Сейсенұлының “Ер қазақ”, Оралхан Бөкей, Токен Ибрагимов, Айгүл Кемелбаевалардың “Таңдамалы” шығармаларына қатысушылар ерекше назар аударды.
Тұсау кесерде ШҚО мәдениет басқармасының “Ертіс Концерт” мекемесінің артистері Абайдың өлеңдерін шырқап, шараға ерекше атмосфера сыйлады. Кітапханамыз Еуразиялық Халықаралық көрме жәрмеңкесінің ұйымдастыру дирекциясының және “Фолиант” баспасының директоры Н.С Исабековтың Eurasian Book Fair-2022 көрме жәрмеңкесіне белсене қатысқаны үшін дипломдарымен марапатталды.