Халықаралық кітап күні: онлайн кездесу

  • 27.04.2022

26 сәуір күні Абай атындағы әмбебап кітапханасы Могилев қаласының (Белоруссия) облыстық жасөспірімдер кітапханасымен бірлесе отырып, Халықаралық кітап күніне орай Zoom платформасында онлайн кездесу ұйымдастырды. Онлайн іс-шараға Семей және Могилев қалаларының жоғарғы сынып оқушылары шақырылды. Семей қаласынан №7 мектеп-лицейінің оқушылары Иванков Антон, Траиспаева Дияра 2022 жылғы мерейтой иелері Ахмет Байтұрсынов пен Ғабит Мүсірепов туралы ақпарат дайындап, Беларусь мемлекетінің оқушыларына қазақтың көрнекті жазушыларын таныстырды.  Сонымен қатар Могилев қаласының оқушылары да өз елдерінің танымал жазушылары В.Барчук, А.Кулешов, Янка Мавр, О.Адамович туралы баяндап берді.

Шара барысында М.Әуезовтің 125-жылдық мерейтойына орай дайындалған бейнеслайд көрсетілді. Қатысушылар қазақтың көрнекті жазушысы М.Әуезовтің өмірбаяны мен шығармашылығынан қызықты деректерімен танысты. Могилев қаласының облыстық кітапханасының қызметкері Марина Владимировна Елисеева әйгілі шетелдік және ресейлік жазушылар туралы әдеби викторина дайындады.

Онлайн кездесу соңында Семей қалалық «Жас Ұлан» мектеп-лицейінің оқушылары: Базарқат Жандос, Жигайлов Никита, Польский Лев өздерінің сүйікті кітаптары мен шығармалары туралы баяндап, барлық жастарды кітап оқуға шақырды.