7 мамыр – Отан қорғаушылар күні: кең көлемді кітап көрмесі

5 мамыр күні Абай атындағы кітапханада оқырмандар мен Бизнес және сервис колледжінің студенттеріне арнап, патриоттық рухта тәрбие беру мақсатында «7 мамыр – Отан қорғаушылар күні» атты кітап көрмесі ұсынылды. Көрмеге «Қазақстанның әскери энциклопедиясы», «Қазақстан Республикасы Қарулы Күштерінің, басқа да әскерлері мен әскери құралымдарының жалпы әскери жарғылары», «Отан қорғау – сенің азаматтық борышың» жинақтары, А.Тасболатов пен Қ.Аманжоловтың «Қазақстанның әскери тарихы», А.Қ.Күшкімбаеваның «ХVII-XVIII ғасырлардағы қазақтардың әскери ісі» және басқа да Қазақстан қарулы күштерінің тарихы және қазіргі жағдайы тақырыбын ашқан кітаптары қойылды.
Ұсынылған кітаптардан оқырмандар қазақтардың әскери ісінің тарихы туралы көптеген қызықты мәліметтерді білді. Мысалы, әскери құрамалар, жануарлар әлемінен алынған атап айтқанда қасқыр аулау, жауларына қарсы күресте қолданылатын қару-жарақ туралы мәліметтер алды. Шоқан Уәлихановтың экспедициялары кезінде салған қару-жарақ сызбаларының жіне Қазақстан мен Ресей музейлерінде сақталған жәдігерлердің суреттері көрсетілді. Сондай-ақ XV-XIX және қазіргі кезеңдегі Қазақ хандығының әскери құрылымы мен әскери қызметі, Қазақстан әскери бөлімдерінің Ұлы Отан соғысы майдандарына қатысуы, Тәуелсіздік жылдарындағы Қарулы Күштерінің құрылуы туралы әңгімеге қатысушылар үлкен қызығушылық тудырды.