Мың тағзым Сізге, Майдангер: патриоттық кеш

5 мамыр күні Абай кітапханасының Балалар әдебиеттері бөлімінің қызметкерлері оқушыларды Ұлы Отан соғысы және оған қатысқан қазақстандықтардың ерен ерліктерін дәріптеу  мақсатында,  Бауыржан Момышұлы атындағы  №34 орта мектебінің 2 сынып оқушылары арасында «Мың тағзым  Сізге, Майдангер» атты патриоттық кеш ұйымдастырды.

Қан майданда мерт болған ерлердің рухына бас иіп,  1 минут үнсіздікпен басталған шараны жас өркендер соғыс ардагерлеріне арналған өлең жолдарымен бастап, батыр қолбасшы Бауыржан Момышұлының өмірі мен жауынгерлік жолдарын сипаттайтын  викторинаға тыңғылықты жауап берді және   өздері соғыс тақырыбына  арнап салған суреттері  жайлы баяндады. Сонымен бірге, кітапхана қызметкерлері дайындаған «Жауынгерлік сәлемдесу рәсімі», «Саптық жаттығулар», «Барлаушы», «Бомба» және т.б әскери-патриоттық ойындарға белсене қатысып,  кітаптан жасалған «Танк»  және «Мәңгілік алау» инстолляциясымен бірге  жасақталған   кітап көрмесімен танысып, естелікке  суретке түсті. Шара Жұмекен  Нәжімеденов  және   Шәмші Қалдаяқовтың    «Бейбіт күн тілегі» әнін бірге шырқаумен аяқталды.