Ұлы Жеңіс ұрпаққа аманат: кең көлемді кітап көрмесі

Ұлы Жеңіске 77 жыл толуына және 9-мамыр Жеңіс күніне арналып ата-бабаларымыздың ерен ерліктерін мәңгі есте сақтап, рухани тағзым қылу мақсатында 2022 жылдың 6 мамыр күні Абай атындағы кітапханада «Ұлы Жеңіс ұрпаққа аманат» атты кең көлемді кітап көрмесі ұйымдастырылды.
Көрме Кеңес Одағының екі мәрте Батыры, Қазақстан авиациясының генерал-майоры Талғат Бигелдиновтің туғанына 100 жыл толуына және Халық Қаһарманы, ұшқыш Хиуаз Доспанованың туғанына 100 жыл толуына арналды.
Іс-шараның мақсаты Ұлы Отан соғысына қатысушылардың есімдерін ұлықтау және өскелең ұрпақты патриоттық рухта тәрбиелеу, Отанға деген мақтаныш сезімін ояту, Қазақстанның қаһармандық ерліктерге толы тарихына құрметпен қарауға үйрету болды.
«Ұлы Жеңіс ұрпаққа аманат» атты кең көлемді кітап көрмесіне сұрапыл соғыстан елімізді аман сақтап, болашақ ұрпаққа аманат етіп қалдырған қазақ батырларының ерліктерінен сыр шертетін кітапхана қорындағы тарихи, көркем әдеби әдебиеттерге «Девушка из легенды», Т.Бегильдинов «Аспандағы айқастар», Д. Ахметбеков «Солдат победы», Е.Елғон «Жаһандық соғыстың ерлігі», «Қаһарман қыз Хиуаз» М.Ғабдуллин «Менің майдандас достарым» т.б. кітаптарға кең көлемді шолу жасалды. Сонымен қатар, қатысушыларға Кеңес Одағының Батыры атағын екі рет алған ұшқыш жауынгер Талғат Бигелдиновтың соғыс жылдарындағы ерлік істері туралы әңгімелей отырып, соғыстан кейінгі жылдардағы қоғамдық қызметі жайында және «Қанатты қыз» атанып кеткен ұшқыш қыз Хиуаз Доспанованың Отан қорғаудағы ерліктерінен кеңінен ақпараттар берілді.
Ұлы Жеңіс күніне арналған шараға қаламыздағы 156/15 (№35 колония) жазасын өтеушілер колониясының қызметкерлері және Бизнес колледждің студенттері қатысты. Келген қонақтар кітапхананың құрылу тарихымен, оның бөлімдерімен танысып, Абайдың рухани орталығында болып, кітапханаға саяхат жасады.