Ұлт ұстазы: патриоттық сабақ

12 мамыр күні Абай атындағы кітапхана мамандары Бизнес және сервис колледжінде «Бір ел – бір кітап» акциясы аясында Ахмет Байтұрсынұлының туғанына 150 жыл толуына орай «Ұлт ұстазы» тақырыбында патриоттық сабақ өткізді. Шарада студенттер назарына кітап көрмесі ұсынылып, А.Байтұрсынұлының өмірі мен шығармашылығы туралы бейнеролик көрсетілді. Сонымен қатар кітапхана мамандары Ахмет Байтұрсынұлының ағартушылық, қоғамдық және әдеби қызметімен, өмір деректерімен таныстырды.
Студенттер Ахмет Байтұрсынұлының араб әліпбиіне негізделген, бірақ қазақ тіліне бейімделген қазақ әліпбиін жасаудағы қызметін Ауғанстан мен Иранда тұратын қазақтардың әлі де осы әліпбиді қолданып жүргенін қызығушылықпен тыңдады. Ахмет Байтұрсынұлының әдеби қызметі оның «Маса» және «Қырық мысал» жинақтарында қамтылды. Студенттер «Алаш» электронды кітапханасынан Ахмет Байтұрсыновтың қоғамдық-саяси қызметімен танысты, бұл оның Алаш қозғалысын құруға қатысуын, оның Қарқаралы петициясы бойынша бастамаларын толық көрсетеді, сонымен қатар студенттер «Алаш» электронды кітапханасы беттерінен мұрағат құжаттары мен мұражай экспонаттарымен таныстырылды.
Оның отбасында орыс әйелі Бәдрисафамен бірге асырап алған балаларын тәрбиелеп өсіргені, барлық істерде Бәдрисафаның Ахметті әрқашан қолдауы туралы мәліметтерді, әйелінің батылдығы мен адалдығына шараға қатысушылар таңданыс танытты. Шараға колледж кітапханасының мамандары да қатысты.
Студенттер викториналық сұрақтарға белсенді жауап беріп, ұсынылған слайдтар бойынша мағлұматтар берілді.