Қазақстанның мал шаруашылығының үміті: тікелей эфир
31 мамыр Абай атындағы кітапхана мамандары «Шалабай» ЖШС директоры Қуаныш Серікқазыұлы Сүлейменовпен тікелей эфирде «Қазақстандағы 100 жаңа есім» мемлекеттік бағдарламасы аясында онлайн сұхбат өткізді. Тікелей эфирде Қазақстанның, әсіресе, Шығыс Қазақстан облысының ауыл шаруашылығының дамуы туралы ақпарат берілді. Хабар қонағы көрерменмен мал шаруашылығындағы қолға алған істерімен бөлісіп, оның мал шаруашылығы кешенінде қандай үй жануарлары ұсталатыны, жануарлармен жұмыс барысында қандай қиындықтар туындайтыны, шаруашылықты дамытуға мемлекет тарапынан қандай көмек көрсетіліп жатқаны туралы әңгімеледі.
Қ. С. Сүлейменов іс-шараны өміріндегі қызықты деректермен толықтырды. Сонымен қатар хабар қонағы тек мал шаруашылығындағы ғана емес, құрылыстағы, мал шаруашылығында вахталық әдісті ұйымдастырудағы табыстарымен, селекциялық-асыл тұқымдық кәсіпте қандай жұмыстар атқарылып жатқаны туралы бөлісіп, ауылшаруашылық бизнесінің барлық қатысушыларына табыс әкелетіндей өз ісін қалай ұйымдастыру керектігі жөнінде жаңадан мал өсірушілерге кеңес бере кетті.
