Мұхтар Әуезов және «Ярыш» футбол командасы: бейне дәріс
Абай облыстық Абай атындағы әмбебап кітапханасында 2022 жылдын 6-шы маусымында ZOOM платформасында «Алаш» жобасы аясында тікелей эфир өтті. Эфир қонағы Сәкен Сейфуллин атындағы ауыл-шаруашылығы университетінің оқытушысы, ауыл шаруашылығы ғылымдарының кандидаты, доцент Өмірзақ Сұлтанов Сембайұлы «Мұхтар Әуезов және «Ярыш» футбол командасы атты бейнедәріс өткізді.
Шара барысында дәріс оқушы Мұхтар Әуезов спорт өнерін мәдениеттің бірі де бірегейі деп бағалағанын айтып өтті. Лектор Мұхтар Омарханұлының дене шынықтыру мен спортқа белсенді қатысқандығы туралы зерттеуге қалай келгендігіне тоқталып өтті. Автор өзінің 2007 жылы жарық көрген «Спорт және өнер» кітабының бір бөлімін жазушының мерейтойына арнағандығы туралы мәлімет берді. Сонымен қатар, осы кітапта спорт ойындарының өткізілуін ғылыми тұрғыда зерттегендігі туралы әңгімелеп берді.
«Ярыш» командасының капитандары Бірінші дүниежүзілік соғысқа қатысқандығы туралы ақпарат қатысушылардың үлкен қызығушылығына ие болды.
Шара соңында Өмірзақ Сембайұлы жазушының 125 жылдық мерейтойын жоғарғы деңгейде атап өтуге ат салысу керектігіне баса назар аударды.
