Билер сөзі – нақылдың көзі: танымды сағат

9 маусым күні балалар әдебиеті бөлімінің қызметкерлері Ж.Аймауытов атындағы  орта мектептің Жазғы мектеп тыңдармандарына  Балалар жылы аясында «Мың бала» республикалық мәдени-ағартушылық жобасының «Өнер алды – қызыл тіл» бағдарламасын негізге ала отырып, балдырғандарға  шешендік өнерді дәріптеу мақсатында  «Билер сөзі – нақылдың көзі» атты танымды сағат ұйыдастырды.

Шара барысында шешендік өнердің түрлері, қазақ қоғамындағы би-шешендер  және олардың мол мұрасы жайында мәлімет  беріліп, жас және жеке ерекшеліктеріне сай рухани құндылықтар арнасында тәрбиелеуге бағдарланған «Даналық әліппесі» оқу-тәрбие кешенінен билер сөзі, нақыл сөз,  халық аңызы және т.б халықтық туындыларды  инновациялық қаламның көмегімен тыңдады. Сондай-ақ, шешендік сөздер, қазақ билері, салт-дәстүрлерге арналған мақал-мәтелдерге арналған викториналық сұрақтарға  тыңғылықты жауап беріп, «Қазақтың билері», Б.Қалимұқашева «Сөйлеу мәденгиеті және шешендік өнер»,  Б.Адамбаев «Қазақ шешендері» және т.б. шешендік өнер жайында арнайы жабдықталған кітап көрмесімен танысты.