Қазіргі жағдайдағы ақпараттық-библиографиялық қызмет: ақпараттық сағат
Абай облыстық Абай атындағы әмбебап кітапханасының ұйымдастырумен 2022 жылдың 15 маусымында қала және жақын маңдағы ауыл мектептерінің кітапханашыларына арнап «Қазіргі жағдайдағы ақпараттық-библиографиялық қызмет» атты ақпараттық сағат сағат өткізілді.
Шара қонақтарын кітапханамызда жүргізіліп жатқан ақпараттық-библиографиялық жұмыстармен қысқаша таныстырып өтіп, кітапхана сайтындағы өлкетануға байланысты бөлімдеріне тоқталып, виртуалды анықтама, 2022 жылғы атаулы даталарға арналған күнтізбе туралы ақпарат берілді. Сонымен қатар, 2017 жылы «Алаш» автономиясы мен Алашорда ұлттық үкіметінің құрылғанына 100 жыл толуына арналып құрастырылған «Алаш» электронды кітапханасымен таныстырып, ондағы мәліметтер базасында орналастырылған кітап және мерзімді басылым беттеріндегі мақалаларды іздестіру жолдары көрсетілді.
Ақпараттық сағат соңында шара қонақтары осы «Алаш» электронды кітапханасын өз жұмыстарында пайдаланғандықтарын айтып, кітапхана қызметкерлеріне алғысын білдірді.
