Ағылшын ертегілері: викторина

24 маусым күні Балалар жылы аясында шетел әдебиеттері бөлімінде Ағылшын ертегілері бойынша балаларға арналған викторина ұйымдастырылды. Шараға қатысушылар ағылшын тілінде жазылған әйгілі ертегілер мен олардың кейіпкерлерімен танысты. Балалар ағылшын ертегілерін оқи отырып, басқа ұлттар мен елдердің ерекшеліктері, дәстүрлерін біле бастайды. Балаларға арналған ағылшын тіліндегі ертегілер шет тілінің грамматикасы мен лексикасын үйренуге ықпал етеді, сөздік қорын кеңейтеді.
Балаларға «In the world of fairy tales» викторинасымен презентация дайындалды. Мұнда балаларға «Күлшеқыз», «Түймеқыз», «Рикки-Тики-Тави», «Карлсон» ертегілерінен ағылшын тілінде сұрақтар қойылды. Бұл ертегілер балаларға бала кезінен таныс және қатысушылар үшін ағылшын тілінде таныс ертегі кейіпкерлерімен кездесу өте қызықты болды. Балалар викториналық ойындарда белсенділік көрсетті. Викторинаның ең белсенді қатысушылары Мамырбеков Бекзат пен Ақшалова Аружан болды.