Менің астанам – ел мақтанышы: кітап көрмесі

5 шілде күні Абай атындағы кітапханада Астана күнін мерекелеу аясында «Менің астанам – ел мақтанышы» атты кітап көрмесі ұйымдастырылды.

Кітап көрмесіне Целиноград, Ақмола, Астана атауларымен өткен жолды ашып көрсететін Нұр-Сұлтан қаласының негізі қаланған күннен бастап дамуының тарихи маңыздылығын айғақтайтын басылымдар қойылып, шолу жасалды. Көрмеден орын алған астанамыздың тарихы, өткені, бүгіні мен болашағы, елорданың экономикалық, мәдени және әлеуметтік даму аспектілері туралы кітаптардың мазмұнына жайлы баяндалды. «Қазақстан тәуелсіздік жылдарында», «Астана: суретшілер көзімен»,«Ақмола», «Қазақстанның астанасы», «Астана. XXI ғасыр» манифесі, «Астана» сәулеттік жолсілтемесі оқырмандар назарына ұсынылды. «Астана» атты сәулеттік жолсілтемесінің QR-кодты  қолдану арқылы жүзеге асырылатындығы оқырман қауымның қызығушылығын тудырды. Жолсілтемедегі  Елордада салынған жаңа нысандар мен ғимараттардың QR-кодталған көшірмесі Астана көшелерімен саяхат жасауға және қаланың көрікті жерлерімен танысуға айтарлықтай көмектеседі. «Астана. XXI ғасыр. Астана. The 21 st century» сериясымен жарыққа шыққан әдемі безендірілген 20  открытка оқырмандардың назарын өздеріне бірден аудартты. «Ақорда», «Бәйтерек» монументі, «Президенттік мәдениет орталығы», «Халықтар достығы» монументі, «Төле би, Қазыбек би, Әйтеке би» Сот төрелігі монументі, «Үкімет Үйі», «Өмір ағашы» фонтаны және т. б. бар. Еуропалық және шығыс мәдениетінің үздік дәстүрлері тоғысқан сәулет стилі жаңа астананың экономика, саясат және мәдениет орталығы ретіндегі бейнесін барынша толық ашып көрсетеді. Нұр-Сұлтан жаңа Қазақстанның мақтанышына, елдің ұлттық идеясы бекітілуінің және бірігуінің символына айналған.