Абай күні: ақпараттық сағат

10 тамыз – Абай күнінде Абай атындағы әмбебап кітапханасында қазақтың ұлы ақыны Абай Құнанбаевтың 177 жылдығына және жазушы-драматург, әдебиет зерттеушісі Мұхтар Омарханұлы Әуезовтың туғанына 125 жыл толуына орай ақпараттық сағат өтті.
Іс-шараға Қазақстан Республикасының төтенше жағдайлар министрілігіне қарасты Семей қаласындағы №68303 әскери бөлімінің сарбаздары қатысты.
Кітапхана қонақтары кітапхана тарихымен, бөлімдерімен, бірегей кітап қорымен, клубтар мен үйірмелердің жұмысымен танысты. “Абайдың рухани орталығына” барып, XVIII ғасырдың соңынан бастап ХХ ғасырдың басында жарық көрген сирек басылымдардан ақпараттар алды.
10-тамыз Абай Құнабаевтың туған күніне орай ұйымдастырылған “Абай әлемі” кітаптар топтамасымен және «Абай әлеміне саяхат» кітап көрмесіне шолу жасалды.
Ақпараттық сағат барысында қатардағы жауынгер Есенғабылов Құдайберген, Нүсіпов Нұрбек ақынның «Жастықтың оты жалындап» және «Сап, сап көңілім, сап, көңілім!» өлеңдерін жатқа айтып берді.
Қазақстанның түпкір-түпкірінен келіп әскери борышын өтеп жатқан жас сарбаздар кітапханадан үлкен рухани тағылым алып, алғыстарын айтты.