Конституция – тұрақтылық пен өркендеудің негізі: экспресс-трибуна
30 тамыз – Қазақстан Республикасының Конституциясы күні. Қазақстан Республикасының Конституциясы – мемлекетіміздің басты да негізгі заңы.
23 тамызда Абай атындағы облыстық әмбебап кітапхананың қызметкерлері Семей қаласының қарттар мен мүгедектерге арналған жалпы үлгідегі медициналық-әлеуметтік мекемесінде “Конституция – тұрақтылық пен өркендеудің негізі” атты экспресс – трибунасын өткізді.
Шара барысында қатысушылар ең алдымен 17-18 ғасырдағы қазақ даласындағы заңдарды реттеу үшін қабылданған “Жеті жарғы” дала Конституциясың тарихымен және оның бөлімдерімен, 1926,1937,1978 жылдардағы Қазақстан Конституцияларымен, сондай-ақ 1993 және 1995 жылдардағы еліміздің Тәуелсіздік кезеңінде қабылданған Конституцияларымен танысты.
Басты назар 2022 жылғы 5 маусымда республикалық референдумда қабылданған Негізгі Заңның баптарына өзгерту мен түзетулерге аударылды.
Іс-шара барысында мемлекеттің Ата Заңының мемлекеттік маңыздылығы, құрылымы мен рөлі ашылды.
Сондай-ақ, тыңдаушылар кітапхана қорынан “Қазақстан Республикасының Мемлекеттік рәміздері”, “қазақ құқығының ежелгі әлемі”, О.Қопабаев “Конституция – мемлекет дамуының негізі”, Ж.С. Атжанов “Конституциялық реформа – Қазақстан дамуындағы жаңа кезең” және т. б. кітаптармен танысты.
Экспресс-трибуна еліміздің Негізгі Заңын қабылдауға арналған слайд көрсетілімімен тәмәмдалды.
